قصيدة "عايش" للشاعر أحمد علي

عايش طول عمري وسط ذنوب
ومن يومي ومتغيِّب
مفيش ف حياتي شيء فارق
ووسط ذنوب بتتغيِّب
وكان قلبي كتير مجروح
وكان قلبي ضعيف جدًا
وفيَّا شيطان ماليني عيوب
وفيَّا معاصي ومبعدِّتش
كتير أبدًا

مكنتش راضي ع نفسى 
لكن موهوم بأن حياتي
أحلى كتير ف وسط ذنوب
بعدت كتير عن الشيطان
لكن نفسي ترجعني
وترفض إني أرجع أتوب
حاولت كتير ومنفعشي
أصالح نفسي على نفسي
وأرجع تاني لصلاتي
وأهرب من معاصي وذنوب
حياتي بعيشها عشوائي
بعيد عن ربي لكن نفسي
أرجع أطيع ومش أنسى
فروض ربي وخطاويها
وأتحرر من أي عيوب
أنا يارب محتاجلك
لكن بردو خجول منك
علشان عندي معاصي وذنوب
يارب اهديني وارشدني
تعبت ياربي نفسي أتوب
راجع طمعان أنا ف عدلك
وباب توبتي أكيد مفتوح
وراجع أعيش أنا ف نورك
وطاعتك اللي ما ليها حدود
وعشمان بس تغفر لي
يا رحمن اعف عن ذنبي
أنا وياك وف الرحمة
أحب وأدوب

مفيش أحلى من الطاعة
بتبعدنا عن أي عيوب
وراضي يارب أنا بحكمك
وراضي بردو بالمكتوب